السلام عليكم ورحمة الله وبركاته
مساكم / صباحكم عسل وقشطة
هذي عميشة فتاة طابت واستوت غصونها للزواج ،
وأتى إلى والدها شاب يخطبها ودار بينهما هذا الحوار .
تعالوا نشوف مجرى الحوار ، ومنتهاه!!!
هذا والد عميشة يحيي الضيفان:
أول مــــــــــــا نبدا باسم الله
ووجيه الخــــــــــــير انحييها
الخاطب : أهـــــــــلا هلا يا أبو عميشة
أول مــــــــــــــرة .. ونثنيها
الوالد : قلي يا وليدي وش جــــــابك
وأمك ليه انت مخـــــــليها ؟؟
الخاطب: أنا جيتك أطــــــــــــلب بنتك
تكفى عمي زوجنيـــــــــــها
الوالد : أبشر باللي جيت لاجـــــــله
بس خمس شــــروط تلبيها
الخاطب : كل شـــــروطك على راسي
بنتك تطـــــلب وانا اعطيها
الوالد : أنا ودي جيب مجـــــــــنط
والا كرسيدا مـــــــــا ابيها
الخاطب : يا عـــــــــــــالم هذا أولــها
والله يســــــــــتر من تاليها
الوالــــد : بنتي تبي بيت لحااااااااااله
يعني فيلا تســــــــكن فيها
الخاطب : حااااااااضر يا عمي بالفيلا
لعيون عميشــــــــة نبنيها
الوالـــــد : تبي خـــــــــــــدامة طباخة
تســــوي قهوتها وشاهيها
الخاطب : كل شـــــروطك على راسي
عميشة تطلب وانا اعطيها
الوالــــد : تبي ســــــــــــيارة جديدة
تبي ســـــــــــواق يوديها
الخاطب : أمــــــــري لله وش أسوي
حتى الســـــــيارة نشريها
الوالــــد : وأمك يا وليدي خـــــرفانة
بنتي ما تطيق تراعـــــيها
الخاطب : هذي أمي تســـــــوا الدنيا
ولازم بالخير نجــــــــازيها
الوالــــد : وده خـــــــــالك والا جارك
والا شـــــوفلك صرفة فيها
الخاطب : والله يــــــــــا عمي زودته
دليت تحوووووس بتاليها
الوالــــد : هذا شـــــــــرطي ودك والا
بنتي كلن وده فيـــــــــــها
الخاطب : أمي عندي تســــــوا الدنيا
وبنتك عندك .. مــــا ناباها
الوالــــد : اطلع يا الخايس مــن بيتي
والا هالحين أســـــــــويها
الخاطب : احفظ كــــــلامك يا الشيبة
لآقلب عاليها واطــــــــيها
@@@@@@@
انتهت الخطبة بالفشل الذريع ،،
ولا أدري من الخسران فيها ؟؟
برايكم مين الخسرااااان يا جماعة الخير؟؟
وأرجوكم قولوا لي يا جماعة :
هل الزوجة تكره وجود أم زوجها لهذه الدرجة؟؟
وإذا ما كان لأم زوجها أحد غير ولدها ،
وين تروح الأم ، أو وين الولد يصرّف أمه؟؟
مشكلة اجتماعية نبحث لها عن حل جذري
@@@@@@@@
لقلوبكم جميعا الهناء
الدائم الذي لا يحول ولا يزول
المصدر : منتديات عمري - القسم : منتدى النكات والصرقعة - الغاز - نكت - مواقف ظريفة
lHshm hguv,s uldam
No comments:
Post a Comment