موضوع كيفية عمل البيتزا البيتي امة اقرا

كيفية عمل البيتزا البيتي



طريقه الحشو :
- لحمة مفرومة طبعا تعصجيها بالبصل والبهارات الأول
- جبنة رومى
- بسطرمة + لانشون +سجق +سى فود _جمبرى
- زتون مقطع + طماطم +فلفل +ممكن جزر + زعتر +صلصة طماطم متسبكة
- أو أى حشو تانى أنتى بتحبية


الطريقة :
هنحط الدقيق وعلية الملح والبيض والزيت وأعجن وبعدين أجيب الخميرة فى طبق وأحط عليها ذرة سكر ولبن أو ماء وأحطهم وأعجن كويس وبعدين أسيبها تتخمر لمدة ساعة وبعد كدة أجيب صينية وأحط فى أرضيتها زيت وأشكل العجينة أو أفردها وأحط فوقها الصلصة والزعتر والطماطم والفلفل والجزر وبعدين بقة أى حشو تانى براحتك وأسيبها بردة تتخمر شوية لمدة نصف ساعة وبعدين أحطها فى الفرن تقريبا من عشر دقايق لربع ساعة فى الفرن مش بتاخد وقت خالص
وبألف هنا وشفا


المقادير :
6 كوب دقيق
2 بيضة
ملعقة صغيرة ملح
وقطعة خميرة بيرة و لو عايزة خميرة فورية برحتك
ماء دافئ للعجن
1 كوب زيت ذرة
المقادير دى تعمل تقريبا 4 أو 5 بيتزات لو عايزة أقل قللى كمية المقادير

موضوع برجر بيتي ، خطوات سهله لعمل وصفه البرجر البيتي امة اقرا

المكونات

½ كيلو لحمة مفرومة

1½ كوب فول صويا

½ ملعقة صغيرة قرفة

2 فص ثوم مفروم

ملح وفلفل أسود

بصلة مفرومة

¼ كوب ميه

بهارات




طريقة التحضير

1- انقعي فول الصويا في الميه لمدة ساعة، وبعدين صفيه كويس من الميه وضيفي عليه باقي المكونات، وافرميهم كويس مع بعض لحد ما تكون العجينة ناعمة.
2- حطي كيس بلاستيك مدهون بالزيت وبعد كده افردي عليه العجينة، وبعدين افردي عليها كيس بلاستيك تاني مدهون بالزيت، وابدأي افرديها بالنشّابة.
3- قطعي العجينة لدوائر وحطيها في الفريزر لمدة ساعة، وبعدين طلعيها من الفريزر وابدأي حمريها في الزيت، وقدميها.. وبالهنا والشفا